خیر البشر پہ لاکھوں سلام
لاکھوں درود اور لاکھوں سلام
عرشِ بریں تک چرچا تیرا
شمس و قمر ہیں صدقہ تیرا
اے ماہِ کا مل حسنِ تمام
خیر البشر پہ لاکھوں سلام
رب کی خوشی ہے منشا تیرا
منشائےرب ہے تیری رضا
تیرا سخن ہے رب کا کلام
خیر البشر پہ لاکھوں سلام
روزِ ازل جو چمکا تھا نور
محشر میں ہوگا اس کا ظہور
اوّل سے آخر تیرا ہی نام
خیر البشر پہ لاکھوں سلام
جن و ملائک تیرے غلام
سب سے سوا ہے تیرا مقام
یٰسین و طٰہ تیرے ہی نام
خیر البشر پہ لاکھوں سلام
سب کو میّسر ہو یہ مقام
پہنچیں مدینے بن کر غلام
پڑھتے درود اور پڑھتے سلام
خیر البشر پہ لاکھوں سلام
تیری ثنا ہے میرا نصیب
قربان تجھ پر جانِ ادیبؔ
تجھ پر تصدّق عالم تمام
خیر البشر پہ لاکھوں سلام
*ﷺ💞ﷺ🌟ﷺ*
0 Comments