لجپال نبی میرے درداں دی دوا دینا
جد وقت نزع آوے دامن دی ہوا دینا
مر چلیا ہاں رو رو کے وچ ہجر دے محبوبا
بے چین نگاہاں نوں دیدار کراں دینا
دل روندا اے جاندے نے جد لوک مدینے نوں
ہن سانوں وی یا آقاﷺ دربار وکھا دینا
سرکار دی محفل وچ جھولی ہاں وچھا بیٹھے
لج رکھ لویں لجپالا! خالی ناں اٹھا دینا
خیرات عطا کرنا سرکار دی مرضی اے
میرا تے سی کم ایناں جھولی نوں وچھا دینا
- صائم دی تمنا اے رہواں آ کے مدینے وچ
خواہ طیبہ دے کتیاں دے پیراں اچ بٹھا دینا