دہلی راجستھان تمہارا یا خواجہ
سارا ہندوستان تمہارا یا خواجہ
ہند میں نوّے لاکھ کو کلمہ پڑھوایا
ہم پر ہے احسان تمہارا یا خواجہ
سارا انا ساگر کوزے میں بھر آیا
سنتے ہی فرمان تمہارا یا خواجہ
آپ پہ ہے فیضان جنابِ عثمان کا
ہم پر ہے فیضان تمہارا یا خواجہ
فیضِ مدینہ ملتا ہے اجمیر سے ہی
روضہ ہے ذیشان تمہارا یا خواجہ
رہے سنی دعوتِ اسلامی
یہ تو ہے فیضان تمہارا یا خواجہ
ان دونوں پر خاص کرم تم فرمانا
شاکر اور رضوان تمہارا یا خواجہ
سید کو طیّبہ کی گلیاں دکھلا دو
ہے ادنیٰ
دربان تمہارا یا خواجہ