Pul Se Utaro Rah Guzar Ko Khabhar Na Ho Lyrics

Pul Se Utaro Rah Guzar Ko Khabhar Na Ho Lyrics

Pul Se Utaaro Rah Guzar ko Khabar na ho

Jibreel Par Bichhaein to Par ko Khabar na ho

Kaanta Mere Jigar Se Game-Rozgaar ka

Yun Khinch lijiye ke Jigar Ko Khabar na ho

Fariyaad Ummati Jo karein Haale Zaar mein

Mumkin nahin ke Khaire Bashar ko Khabar na ho

Kehti thi Buraq se Uski Sabak Rawi

Yun Jaeeye ke Gharde Safar ko Khabar na ho

Esa Guma de Unki wilaa mein Khuda Hamein

Dhundha kare Par Apni Khabar ko Khabar na ho

Aye Khaare Taybaa ! Dekh ke Daaman na Bhig Jaae

Yun Dil mein aa ke Deeda-e-Tar ko Khabar na ho

Aye Shoqe Dil ! Ye Sajda Jo Unko Rawa nahin

Achha Wo Sajda kijiye ke Sar ko Khabar na ho

Un ke Siwa RAZA koi Hamee nahin jahan

Guzra kare Pisar pe Padar ko Khabar na ho