♻️چھوڑ فکر دنیا کی چل مدینے چلتے ہیں
♻️مصطفیٰﷺ غلاموں کی قسمتیں بدلتے ہیں
♻️نقش کر لے سینے پر نامِ سَرورِ دیںﷺ کا
♻️یہ وہ نام ہے جس سے سب عذاب ٹلتے ہیں
♻️صرف ساری دنیا میں وہ ہے کوچہِ احمدﷺ
♻️جس جگہ پہ ہم جیسے کھوٹے سکے چلتے ہیں
♻️آمنہ ؑ کے پالے کا ، کالی کملی والےﷺ کا
♻️جشن ہم مناتے ہیں ، جلنے والے جلتے ہیں
♻️ہم کو روز ملتا ہے صدقہ پیارے آقاﷺ کا
♻️مصطفیٰﷺ کے ٹکڑوں پہ خوش نصیب پلتے ہیں
♻️رحمتوں کی چادر سر پہ سائے چلتے ہیں
♻️مصطفیٰﷺ کے دیوانے گھر سے جب نکلتے ہیں
♻️ذکرِ شاہِ بطحٰیﷺ کو وِرد اب بنا لیجیے
♻️وہ ذکر جس سے غم خوشی میں ڈھلتے ہیں
♻️ان کو کیا ضرورت ہے عطر و مشک و عنبر کی
♻️خاک جو مدینے کی اپنے تن پہ ملتے ہیں
♻️مصطفیٰﷺ کے دیوانے کم کبھی نہیں ہوتے
♻️ایک چراغ بجھتا ہے سو چراغ جلتے ہیں
♻️سچ ہے غیر کا احسان وہ کبھی نہیں لیتے
♻️اے علیم آقاﷺ کے ٹکڑوں پہ جو پلتے ہیں
0 Comments