صبا تو مدینے جا کر کہنا خدارا
آقا لے لو سلام اب ہمارا
غم سے ہیں ٹوٹے ہووے ظلموں سے لوٹے ہووے
مدت ہوئی یا نبی قسمت کو رُوٹھے ہووے
روزِ محشر اُمتی کا آپ ہی سہارا
آقا لے لو سلام اب ہمارا
چاند کے ٹکڑے کئے پیڑوں نے سجدے کیے
سورج پلٹ آ گیا یہ معجزے آپ کے
اُمتی کیا خود خُدا بھی مدح خواہ تمہارا
آقا لے لو سلام اب ہمارا
دن رات روتی ہے یہ اُمت تمہارے لیے
ہو جائے نذرِ کرم آقا ہمارے لیے
طیبہ کی اُن گلیوں کا کب ہوگا نظارہ
آقا لے لو سلام اب ہمارا
سب انبیاء کے امام تُم پر ہو لاکھوں سلام
روضہ پہ آئے مجید
کہتا ہے یہ صبح و شام
زندگی میں آس کا نا ٹوٹے ستارہ
آقا لے لو سلام اب ہمارا
صبا تو مدینے جا کر کہنا خدارا
0 Comments